Fir d Grindigg vo dr Guggemuusig Quätschkomde, isch d Fasnacht 1981 usschlaaggäbend gseh. Ebbe genau an dere Fasnacht, sinn vier Lyt derfo yberzügt gseh, dass chenne mir au. Zur Grindiggsversammlig im April 1982, hänn mer e paar Lyt ins Restaurant Ziegelhof am Bahnhof in Prattele iglaade, wo druff aabe die erschte 8 Mitglieder zämmegsässe sinn. In de erschte zwai Joor, hänn mer inere private Garasch Probt, wo es aber mit dr Zyt sehr äng worde isch für die immer mehr werdente Aggdive. Zu unserer Afangszyt, hänn mer “numme“ 1983 und 1984 an dr Fasnachte in Allschwil und Prattele aggdiv teilgnoh. In de druffolgende zwai Joor, hänn mer imene Schuelhuus in Basel und im Ziiribieter im Gundeli chenne Probe, bis mer durch e Zuefall in Wilde Maa im Glaibasel e Probekäller gfunde hänn. Mit de Gülleschlüch und de Tränefurzer, hänn mer denn 8 Joor lang de Probekäller tailt. Dr Hausi, unseres langjöörige Passivmitglied het uns 1994 denn chenne d Rüümligkeite im Haafebeggi 2 in Glaihinnige vermittle, wo mer nid numme probt und unseri Sitzige, sondern au unseri legendääre Guggefester abghalte hänn. Do mer e glaini Gugge gsi sinn zu de Afangszytte (Knapp an de Gränze zu 20 Lyt), hänn sich notürligg die glaine Baize vor allem uf ys gfroit. Die gressere Lokal, hänn mer gern de andere Guggene iberloo. Mit ehm neye Guggeläller in Glaihinnige, isch notürligg au e noii Zyt aabroche. Mehr Blatz heisst au mehr Aggdivi. E neye guedi Musikalischi Laitig het dr Grundstai gleggt, was mer hyyte darstelle. Unseri Stygglilischte isch ahspruchsvoll und komplizierter zem spiele worde aber genau dass isch unsere Ahreiz. Mir hänn in dene vielne Joore viel deerfe erlääbe, hänn ainiges mitgmacht, verarbeitet und glaischtet. Fyr mi, als Grindiggsmitglied isch e wundervolli, unvergässligi Zyt gseh.

Gschriebe vom Pit im Joor 2000.

Und so isch es in dr Zwischezyt mit dr Guggemuusig Quätschkomode witer gange.